कागजी प्रमाणकै भरमा मात्र धेरैले कैद जीवन बिताइरहेका छन्: मुख्यमन्त्री यादव

धनुषा । कानुनी ज्ञानको अभावका कारण अदालतहरूमा मुद्दाको चाप बढ्दै गएको मधेस प्रदेशका मुख्यमन्त्री कृष्ण यादवले बताएका छन्।

मुख्य न्यायाधिवक्ताको कार्यालय, मधेस प्रदेशले जनकपुरधाममा आयोजना गरेको ‘समसामयिक तथा संवैधानिक कानुनी सवालमा छलफल तथा अन्तरक्रिया’ कार्यक्रममा बोल्दै मुख्यमन्त्री यादवले कानुनसम्बन्धी पर्याप्त जानकारी नहुँदा धेरै नागरिक अनजानमै कानुन उल्लङ्घन गर्ने अवस्थामा पुग्ने गरेको उल्लेख गरेका हुन्।