प्रचण्डको व्यङ्ग्य, ‘चुनावमा जमानत जफत भएका युवालाई अहिल्यै नेतृत्व चाहियो’

रुपन्देही । नेपाल कम्युनिष्ट पार्टी (नेकपा) का संयोजक पुष्पकमल दाहाल प्रचण्डले वर्तमान सरकारका गलत कामविरुद्ध केही महिनाभित्रै सडक आन्दोलनमा जाने चेतावनी दिएका छन्।

शनिबार रुपन्देहीको बुटवलमा आयोजित नेकपा लुम्बिनी प्रदेश समितिको प्रथम एकता बैठक तथा प्रशिक्षण कार्यक्रमलाई सम्बोधन गर्दै प्रचण्डले सरकारले जतिसुकै गलत काम गर्दा पनि अहिले कोही बोल्न नसकेको भन्दै आफूहरू चुप लागेर नबस्ने बताए। उनले पार्टी अहिले 'बोल्ने बेला आउला' भनेर पर्खिरहेको बताउँदै आवश्यक पर्दा राम्रोसँग लड्ने स्पष्ट पारे।