चौधरी ग्रुपले भित्र्यायो बेलायती ब्राण्ड ‘गुडम्यान्स’, आधुनिक इलेक्ट्रोनिक्स सामग्री नेपाली बजारमा

काठमाडौं । नेपालको प्रतिष्ठित व्यावसायिक घराना चौधरी ग्रुप अन्तर्गतको सिजी इलेक्ट्रोनिक्सले विश्वप्रसिद्ध बेलायती ब्राण्ड ‘गुडम्यान्स’ नेपाली बजारमा भित्र्याएको छ। सन् १९२३ देखि अडियो तथा इलेक्ट्रोनिक्स क्षेत्रमा आफ्नो छुट्टै पहिचान बनाउन सफल यस बेलायती ब्राण्डले नेपाली उपभोक्तामाझ आधुनिक तथा गुणस्तरीय इलेक्ट्रोनिक्स उत्पादनसहित उपस्थिति जनाएको हो।

अडियो स्पिकर उत्पादनबाट आफ्नो व्यावसायिक यात्रा सुरु गरेको गुडम्यान्स आज विश्वव्यापी रूपमा विभिन्न इलेक्ट्रोनिक्स तथा होम एप्लायन्स उत्पादनहरूको विश्वासीलो ब्राण्डका रूपमा स्थापित भइसकेको छ। उच्च गुणस्तर, आकर्षक डिजाइन र किफायती मूल्यलाई प्राथमिकता दिँदै आएको गुडम्यान्सले विश्वका विभिन्न देशहरूमा आफ्नो सफल उपस्थिति विस्तार गरिसकेको छ।