कर्णाली फोर्स गाडी दुर्घटनाको ३ दिन: अझै भेटिएनन् ४ यात्रु, धमिलो पानीले खोजीमा सकस

दैलेखको चामुण्डाबिन्द्रासैनी नगरपालिका–७ साङ्गेतडास्थित कर्णाली राजमार्गमा फोर्स गाडी दुर्घटना भएको तीन दिन बितिसक्दा पनि बेपत्ता भएका चार जना यात्रुको अवस्था अझै अज्ञात छ।

वर्षायामका कारण कर्णाली नदीमा पानीको बहाव बढ्नु, पानी अत्यधिक धमिलो हुनु र भिरालो भूगोलका कारण खोजी तथा उद्धार कार्य चुनौतीपूर्ण बनेको छ।