नेतृत्व हस्तान्तरणमा ओली र प्रचण्डको अनिच्छा: पार्टीभित्र बढ्दो असन्तुष्टि

काठमाडौँ । गत फागुनमा सम्पन्न प्रतिनिधि सभा सदस्य निर्वाचनमा वामपन्थी दलले ठुलो धक्का खाएपछि नेकपा एमालेका अध्यक्ष केपी ओली र नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले नैतिकताको आधारमा राजीनामा दिने धेरैको अपेक्षा थियो । यस विपरीत ओली–प्रचण्ड दुवैले आफ्नो राजीनामा माग्नेलाई चुनौती दिए ।

निर्वाचनपछि जेठ ९ गते बसेको एमाले सचिवालयको पहिलो बैठकमा अधिकांश नेताले देश र पार्टी सञ्चालनमा नेतृत्व असफल भएको दाबी गर्दै मार्गप्रशस्त गर्न सुझाव दिएका थिए । आफ्नो राजीनामा माग्नेलाई चुनौती दिँदै ओलीले कुनै पनि हालतमा पद नछाड्ने अडान राखे ।