नीति तथा कार्यक्रम कर्मकाण्डी छ, त्यस भन्दा फरक बजेट ल्याउनु पर्छ : बर्षमान पुन

काठमाडौं : नेपाली कम्युनिष्ट पार्टी (नेकपा) का नेता बर्षमान पुनले सरकारको नीति तथा कार्यक्रम कर्मकाण्डी जस्तो देखिएकाले त्यसभन्दा फरक बजेट ल्याउनु पर्ने बताएका छन् । नेता बर्षमान पुनले नीति तथा कार्यक्रमका विषयमास त्तापक्ष दलका सांसदहरु निरीह जस्तो देखिएको समेत टिप्पणी गरेका छन् ।

बुधबार संसद भवन सिंहदरबारमा सञ्चारकर्मीसँग कुरा गर्दै पुनले बजेट छलफलको प्रक्रियामा सरकारले जस्तो ल्याएको छ, त्यसलाई नै मान्नुपर्ने गरी सत्तापक्ष दलका सांसदहरु निरीह जस्तो देखिएको टिप्पणी गरेका हुन् । सत्तापक्षका सांसदहरुले आफ्नो क्षेत्रका बिषय उठाउन नसक्दा आगामी दिनमा उनीहरुमाथि नै जनताले प्रश्न उठाउन सक्ने उनले बताए ।