भ्रमणअघि मोदीलाई मिल्यो ज्यान मार्ने धम्की, प्रहरीद्वारा अनुसन्धान सुरु

भारतीय प्रधानमन्त्री नरेन्द्र मोदीको आसन्न अस्ट्रेलिया भ्रमणलाई लक्षित गर्दै सामाजिक सञ्जालमार्फत ज्यान मार्ने धम्की दिइएको छ।

९ जुलाईमा मेलबर्नको मार्भल स्टेडियममा आयोजना हुने 'मेलबर्न मिट्स मोदी' कार्यक्रमको प्रचारसम्बन्धी फेसबुक पोस्टको कमेन्ट बक्समा यस्तो धम्कीपूर्ण टिप्पणी भेटिएको हो। 'अबु मुस्तफा' नामको फेसबुक खाताबाट उक्त पोस्टमा लेखिएको छ, 'कार्यक्रमको समयमा रंगशालाको छाना बन्द गर्नु राम्रो हुन्छ, नत्र उनी आफ्नो मृत्युको लागि अस्ट्रेलिया आउँदैछन्।'