यूएस ओपन मार्सल आर्ट्स च्याम्पियनसिपमा सुमनलाई कांस्य पदक

काठमाडौँ। नेपाली कराते खेलाडी सुमन तिमिल्सिनाले यूएस ओपन आईएसकेए विश्व मार्सल आर्ट्स च्याम्पियनसिपमा कांस्य पदक जितेका छन्। अमेरिकाको फ्लोरिडामा भएको प्रतियोगितामा सुमनले पुरुष एकल काता विधामा कांस्य पदक जितेका हुन्।

यो विधामा मेक्सिकोले स्वर्ण तथा अमेरिकाले रजत पदक जित्दा अर्को कांस्य पदक जर्मनीको पोल्टामा गयो। यसअघि सन् २०२३ मा भएको यही प्रतियोगितामा भने सुमनले स्वर्ण पदक जित्न सफल भएका थिए।