परिवारमा फर्कियो खुसी

भोटेकोसी हुँदै त्रिशूली नदीमा भदौ १० गते आएको विनाशकारी बाढीमा बेपत्तामध्ये रसुवास्थित त्रिशूली थ्री ‘ए’ जलविद्युत् आयोजनाको सुरुङमा फसेका सप्तरीका ३१ वर्षीय सञ्जयकुमार साहको १० दिनपछि शुक्रबार बिहान उद्धार भएपछि उनको परिवारमा खुसीयाली छाएको छ।

नेपाली सेनासहितका उद्धारकर्मीले साह र कविर महर्जनलाई सुरुङबाट निकालेका हुन्। १२ गतदेखि उद्धारमा परिचालित उद्धारकर्मीलाई शुक्रबार यो सफलता मिलेको हो। साह र महर्जनको उद्धारपछि परिवारजनमा खुसी फर्किएको छ भने सुरुङमा फसेका अन्य पनि भेटिने आशा बढेको छ। सप्तरीको तिलाठी कोइलाडी गाउँपालिका–४ का साह ३१ वर्षीय साहको सकुशल भेटिएपछि परिवारमा चलिरहेको रुवाबासी रोकिएको छ।