पूर्वराष्ट्रपति यादव, गगनदेखि माधव नेपाल सम्मले हेरे ‘बिगुल’

काठमाडौँ । नेपालका प्रथम राष्ट्रपति डा.रामवरण यादव, पूर्वप्रधानमन्त्री माधवकुमार नेपाल, नेपाली कांग्रेसका सभापति गगन थापा, पूर्वमन्त्री प्रदीप पौडेल, सांसद अर्जुननरसिंह केसीलगायत विभिन्न नेताहरूले फिल्म ‘बिगुल’ हेरेका छन् । मङ्गलवार साँझ विश्वज्योति चलचित्र भवनमा आयोजित विशेष प्रदर्शनमा उनीहरुले फिल्म हरेका हुन् ।

प्रदर्शनपछि अधिकांशले फिल्मले उठाएको विषयवस्तु आजको नेपालको यथार्थसँग गहिरो रूपमा मेल खाने प्रतिक्रिया दिएका थिए । पूर्व प्रधानमन्त्री माधवकुमार नेपालले लामो समयपछि हलमा पुगेर नेपाली फिल्म हेरेको उल्लेख गर्दै ‘बिगुल’लाई ‘देशको यथार्थ बोल्ने साहसी फिल्म’ को रूपमा चर्चा गरे ।