लिग-२ क्रिकेट: स्कटल्याण्डमाथि शानदार जित निकाल्दै अमेरिका शीर्ष स्थानमा

कीर्तिपुरस्थित त्रिवि क्रिकेट मैदानमा भएको आइसीसी पुरुष क्रिकेट विश्वकप लिग-२ अन्तर्गतको खेलमा स्कटल्याण्डलाई ६ विकेटले पराजित गर्दै अमेरिका अंक तालिकाको शीर्ष स्थानमा उक्लिएको छ।

बुधबार भएको खेलमा स्कटल्याण्डले दिएको १७० रनको सामान्य लक्ष्य अमेरिकाले २७.१ ओभरमा मात्र ४ विकेट गुमाएर पूरा गर्‍यो। यो जितसँगै अमेरिका २७ खेलबाट ३८ अंक जोड्दै तालिकाको पहिलो स्थानमा पुगेको हो।