बाँदर समस्या समाधान गर्न ‘विद्युतीय बार’ लगाउनु पर्छ, मार्नु हुँदैन: सांसद तामाङ

राष्ट्रिय स्वतन्त्र पार्टी (रास्वपा) की सांसद आशिका तामाङले कृषि क्षेत्रमा मुख्य समस्याका रूपमा देखिएको बाँदर आतंक नियन्त्रणका लागि जनावर मार्ने नभई आधुनिक प्रविधिको प्रयोग गर्नुपर्नेमा जोड दिएकी छन्।

बुधबार संघीय संसद् भवन परिसरमा सञ्चारकर्मीहरूसँग कुराकानी गर्दै उनले बाँदर र बँदेल जस्ता वन्यजन्तुको स्थायी व्यवस्थापनका लागि ‘इलेक्ट्रिक फेन्सिङ’ (विद्युतीय बार) दीर्घकालीन समाधान भएको बताइन्।