एक दिवसीय अन्तर्राष्ट्रिय क्रिकेटमा ललित र सन्दीपको वरियता सुधार

काठमाडौं : आइसीसी एक दिवसीय अन्तर्राष्ट्रियतर्फ बुधबार सार्वजनिक भएको वरियतामा नेपालका स्पिनरद्वय ललित राजवंशी र सन्दीप लामिछानेले वरियतामा सुधार गरेका छन् । सन्दीप ६ स्थान सुधार गर्दै ३७ औं स्थानमा उक्लिएका हुन् ।

त्यस्तै, बायाँ हाते स्पिनर ललित राजवंशीले १७ स्थान छलाङ लगाउँदै ५४ औं स्थानमा उक्लिएका छन् । नेपालका उपकप्तान दिपेन्द्रसिंह ऐरी पनि एक दिवसीय अन्तर्राष्ट्रियमा बलिङतर्फ ३ स्थान सुधार गरेका छन् । स्पिनरहरुले एक दिवसीय वरियतामा सुधार गर्दा नेपालका तीव्र गतिका बलर करण केसीको भने वरियतामा गिरावट भएको छ । जसमा करण ८ स्थान ओरालो झर्दै ९६ औं स्थानमा पुगेका छन् ।