सुर्खेत प्रहरीको थुनुवाकक्षमा रहेका व्यक्तिको उपचारका क्रममा मृत्यु

सुर्खेत । जिल्ला प्रहरी कार्यालय सुर्खेतको थुनुवाकक्षमा रहेका एक व्यक्तिको मृत्यु भएको छ । वीरेन्द्रनगर नगरपालिका–१०, पिपिराका २१ वर्षीय साबिर बक्सको आज बिहान मृत्यु भएको हो ।

जिल्ला प्रहरी कार्यालय सुर्खेतका प्रवक्ता कविन्द्रसिंह बोहराका अनुसार आज बिहान ४ः३० बजे बक्स अचेत अवस्थामा भेटिएका थिए । उनलाई कर्णाली प्रदेश अस्पताल पुर्‍याइएको थियो । तर, अस्पतालले उनलाई बिहान ५ः३२ मृत घोषणा गरेको उनले बताए ।