महिलाले सडक छेउमा बेच्न राखेको काफल नगरप्रहरीले फ्याँकेको भिडिओ भाइरल, के भन्छ नगरपालिका?

काठमाडौँ । सडकको छेवैमा डालोमा काफल जोगाउन एक महिला सङ्घर्ष गरिरहेकी छिन् । तर, उनको दायाँ र बायाँ नगर प्रहरीको पोसाकमा भएका पुरुषहरू डालो घोप्ट्याउन प्रयासरत छन् । सामाजिक सञ्जालमा भाइरल भइरहेको भिडि‌ओमा डालोका काफल सडकमा पोख्खाएर नगरप्रहरीहरू ‘वीरेन्द्रनगर नगरपालिका नगर प्रहरी’ लेखेको भ्यानमा गएर बसेको देख्न सकिन्छ ।

व्यापार गर्न ल्याएको सबै काफल सडकमा फालिएपछि महिला निरीह देखिन्छिन् । तर नगरप्रहरी उनीतर्फ फर्किएर पनि हेर्दैनन् । केही समयपछि महिला आफ्नो हातमा रहेका प्लास्टिकका ब्यागहरूलाई भुइँमा राख्दै बस्छिन् र सडकमा छरिएका काफल टिप्न थाल्छिन् ।