राति २ बजे गोबर सोहोर्ने-गाई दुहुने , ९ बजे कुर्सी सम्हाल्ने उद्यमी वडाध्यक्ष

धनकुटाको हिले बजार बिहानको झुल्के घामसँगै ब्युँझन्छ होला, तर धनकुटा नगरपालिका-२ का वडाध्यक्ष चन्द्रलाल तामाङको दिन त त्योभन्दा धेरै अघि शुरू भइसक्छ ।

जब सारा दुनियाँ मीठो निद्रामा हराइरहेका हुन्छन्, चन्द्रलालको हातमा टर्च र बाल्टिन हुन्छ । उनी पदले वडा अध्यक्ष हुन्, तर कर्मले एउटा इमानदार कृषक । राति २ बजे नै ब्युँझिने बानी उनको बाध्यताको उपज होइन, यो त उनको परिचय, अनुशासन र सफलताको बलियो जग हो ।