महिला भलिबल पुस्तान्तरण

६ जेठ, काठमाडौं । काभा महिला भलिबल च्याम्पियनसिपका लागि नेपाल भलिबल संघले घोषणा गरेको प्रारम्भिक सूचीमा परेकी पुनम चन्द अहिले अस्ट्रेलियामा छन् ।

केही दिन प्रशिक्षणमा सहभागी भएकी उनी बीचमै छाडेर पलायनको बाटो रोजिन् । महिला टोलीकै सफल कप्तान अरुणा शाही पनि केही महिनाअघि अस्ट्रेलिया हानिइन् । एक दशकभन्दा बढी समय राष्ट्रिय टोलीबाट खेलेकी अरुणाले संघलाई कुनै जानकारी नदिई विदेश भासिइन् । अरुणा र पुनम मात्र होइन, धेरै नेपाली भलिबल खेलाडीको रोजाई अहिले अस्ट्रेलिया बन्न पुगेको छ ।