‘शैक्षिक परामर्श क्षेत्रमा कानुनी सुरक्षा आवश्यक’ -लक्ष्मण पौडेल

काठमाडौं । नेपाल शैक्षिक परामर्श संघका अध्यक्ष लक्ष्मण पौडेलले शैक्षिक परामर्श क्षेत्रमा संस्थामाथि झुटा आरोप लगाएर बदनाम गर्ने प्रवृत्ति बढ्दै गएको बताएका छन् ।

बुधबार आयोजित ‘शैक्षिक परामर्श क्षेत्रको नियमन र सुरक्षा : कानुनी प्रक्रिया र संस्थागत सहकार्य’ कार्यक्रममा बोल्दै अध्यक्ष पौडेलले केही विद्यार्थीले सामाजिक सञ्जाल र मिडियाको प्रयोग गरेर परामर्श संस्थामाथि अनावश्यक दबाब सिर्जना गर्ने गरेको गुनासो गरे ।