बोधी संवाद : अर्थतन्त्र र भू–राजनीतिबारे अन्तर्राष्ट्रिय विमर्श हुँदै

काठमाडौं । नेपालसहित दक्षिण एसिया र विश्वव्यापी रूपमा विकसित आर्थिक, राजनीतिक तथा भू–राजनीतिक परिवर्तनबारे छलफल गर्न अर्थशास्त्री, कूटनीतिज्ञ र अन्तर्राष्ट्रिय सम्बन्धका विज्ञहरू काठमाडौंमा भेला हुने भएका छन् ।

नेपालको थिंक ट्यांक सेन्टर फर सोसल इनोभेसन एन्ड फरेन पोलिसी (सेसिफ) ले आयोजना गर्न लागेको ‘बोधी संवाद’ नामक अन्तर्राष्ट्रिय सम्मेलनमा भारत, अमेरिका, बंगलादेश, श्रीलंका, दक्षिण कोरिया, अस्ट्रेलियालगायत १६ देशका ४० भन्दा बढी विज्ञ सहभागी हुनेछन् । सम्मेलनमा बदलिँदो भू–आर्थिक र भू–राजनीतिक परिवेशमाथि गहन विमर्श गरिनेछ ।