११औँ दिनमा जीवित भेटिएकी श्रेष्ठ बोल्न सक्ने अवस्थामा, उद्धार टोलीले खुवाएको पानी खाइन्

नुवाकोट । त्रिशूली नदीमा आएको विनाशकारी बाढीका कारण घर पुरिएको ११औँ दिनमा नुवाकोटको बेत्रावतीबाट जीवितै उद्धार गरिएकी चण्डिका श्रेष्ठ बोल्न सक्ने अवस्थामा रहेकी छन्। शनिबार उद्धार टोलीले पानी खुवाउँदा उनले पानीसमेत खाएकी छन्।

बिदुर नगरपालिका–१० बेत्रावतीस्थित आफ्नै चौथो तलामा पुरिएकी चन्डिकालाई शनिबार सशस्त्र प्रहरी बलको टोलीले जीवितै उद्धार गरेको हो। उनका श्रीमान आनन्द श्रेष्ठका अनुसार उनी ५५ वर्षकी छन् ।