दर्शनका लागि खुल्यो दामोदरकुण्ड, साउनसम्म निःशुल्क भोजनको व्यवस्था

काठमाडौँ। हिन्दू तथा बौद्ध धर्मावलम्बीहरूको आस्थाको केन्द्र तथा मुस्ताङको प्रसिद्ध तीर्थस्थल दामोदरकुण्ड यस वर्षका लागि भक्तजन र पर्यटकका लागि खुला गरिएको छ। बाटो मर्मत सम्पन्न भएसँगै तीर्थयात्रा सहज बनाइएको स्थानीय जनप्रतिनिधिले बताएका छन्।

उपल्लो मुस्ताङको लोघेकर दामोदरकुण्ड गाउँपालिका-४ मा अवस्थित दामोदरकुण्ड समुद्री सतहदेखि चार हजार ८९० मिटरको उचाइमा रहेको छ।