भोटेकोसी बाढीबाट प्रभावित बालबालिकाको बालअधिकार संरक्षण गर्न अपिल

बालबालिका शान्ति क्षेत्र राष्ट्रिय अभियान (सिजप)ले विपद प्रभावित बालबालिकाको पहिचान, तस्बिर र व्यक्तिगत विवरणका सम्बन्धमा संवेदनशीलता अपनाउन सञ्चारमाध्यम, सामाजिक सञ्जाल प्रयोगकर्ता सबै सरोकारवालालाई अपिल गरेको छ ।

सिजपले विपदमा परिवार बेपत्ता भएका, परिवारबाट छुट्टिएका बालबालिकाको गोपनियताबारे संवेदनसिलता नअपनाई प्रचार भइरहेको भन्दै चिन्ता व्यक्त गरेको छ । विभिन्न सञ्चार माध्यम तथा सामाजिक सञ्जालमा पीडित बालबालिका तथा परिवारको तस्बिर, भिडियो वा संवेदनशील अवस्थालाई अनुमति तथा आवश्यक संवेदनशीलता बिना सार्वजनिक गर्दा उनीहरूमा थप मानसिक तनाव सिर्जना हुनुका साथै गोपनीयता र बाल संरक्षणका आधारभूत मान्यताको उल्लघङ्न भइरहेकोप्रति ध्यानाकर्षण भएको जनाएको छ ।