'घर पनि लग्यो, व्यवसाय पनि लग्यो': बाढीका कारण विस्थापित भएकाहरूलाई भविष्यको चिन्ता

भोटेकोशी र त्रिशूली नदीमा आएको बाढीका कारण विस्थापित भएर होल्डिङ सेन्टरहरूमा अस्थायी आश्रय लिएर बस्दै आएकाहरूलाई अब के गर्ने, कहाँ जाने र कसो गर्ने भन्ने चिन्ताले पिरोल्न थालेको छ।

बाढीबाट प्रभावितहरूलाई सरकारले विभिन्न स्थानमा बनाइएका ४० वटा होल्डिङ सेन्टरहरूमा राखेको छ। तिनमा अहिले झन्डै ४,००० मानिस छन्।