लगातार पहिरो आउन थालेपछि अपिहिमालको भट्टार बस्तीका मानिसहरूलाई सुरक्षित ठाउँमा सारियो

धनगढी ।

सुदूरपश्चिमको विकट हिमाली जिल्ला दार्चुलास्थित अपिहिमाल गाउँपालिका–१ को भट्टार बस्तीमा लगातार भीषण पहिरो खस्न थालेपछि त्यहाँका बासिन्दालाई स्थानान्तरण गरिएको छ। उच्च जोखिममा परेका भट्टारका बासिन्दाहरूलाई करिब एक घण्टाको पैदल यात्रापछि पुगिने नजिकैको अर्को सुरक्षित ठाउँमा सारिएको छ। बस्तीका मानिसहरूसँगै उनीहरूका गाईवस्तु, चौपाया र अन्नपात-रासनसमेत सुरक्षित स्थानमा स्थानान्तरण गर्ने काम भइरहेको छ।