दोषी ठूला देश, मारमा नेपाल, गल्ती नगरी सजाय भोग्दै हिमाली देशहरु

काठमाडौं । विश्व तापक्रम वृद्धिको असर हिमाली देश नेपालमा भयावह रूपमा देखिन थालेको छ । अत्यन्त न्यून कार्बन उत्सर्जन गर्ने नेपालमा हिमनदी पग्लिने, हिमताल फुट्ने, बाढी–पहिरो र अनियमित वर्षाको जोखिम बढ्दो छ । दोषी ठूला देश भए पनि जलवायु परिवर्तनको सजाय भने नेपालजस्ता हिमाली देशले भोगिरहेका छन् ।

नेपालले पछिल्लो समय भोगिरहेको बाढी, पहिरो, हिमताल फुट्ने जोखिम र हिमनदी पग्लिने घटनालाई सामान्य प्राकृतिक विपत्तिका रूपमा मात्र हेर्न मिल्दैन ।