भोटेकाेशी बाढी: सीमापार पूर्वसूचना आवश्यक

सीमापारिबाट रसुवाको भोटेकोसी हुँदै त्रिशूली नदीमा बुधबार आएको बाढीका कारण मानवीय र पूर्वाधारमा ठुलो विनाश भएको सन्दर्भमा विज्ञहरूले एउटा गम्भीर प्रश्न उठाएका छन् - अबको प्रश्न अर्को विपत्ति आउँछ कि आउँदैन भन्ने होइन, नेपालले विपत्ति पूर्वतयारीमा के गर्नुपर्छ?

विनाशकारी बाढीले हिमाली क्षेत्रमा जलवायु परिवर्तनका कारण तीव्र रूपमा बढिरहेको जोखिमको उजागर गरेको छ। साथै यसबाट प्रभावकारी तयारी, निरन्तर निगरानी र क्षेत्रीय सहकार्यको आवश्यकता मुखरित भएको छ। वातावरणविद् अर्जुन ढकालले यो घटनालाई एक वर्षअघिको विपत्तिको ठूलो स्तरमा भएको पुनरावृत्ति ठान्छन्। ‘रसुवा बाढी भाग २ आयो। यसपटक धेरै ठुलो बाढी आयो,’ उनले भने।