काभ्रेमा पहिलोभन्दा दोस्रो लहरमा दोब्बर बढी कोरोना संक्रमितको मृत्यु

काभ्रे : विश्व महामारीको रुपमा फैलिएको कोरोनाभाइरस (कोभिड–१९) बाट आक्रान्त बनेको काभ्रेमा दोश्रो लहरमा पहिलोभन्दा दोब्बर बढी संक्रमितको मृत्यु भएको छ। बिहीबार साँझसम्म दोस्रो लहरको कोरोनाबाट जिल्लामा १ सय २१ जनाको मृत्यु भइसकेको छ।

यसअघि पहिलो लहरको कोरोनाबाट १४ महिला र ३१ पुरुष गरी ४५ जनाको मात्रै मृत्यु भएका थिए। जिल्ला स्वास्थ्य कार्यालयले पहिलो र दोस्रो गरी हालसम्म कोरोनाबाट जिल्लामा मृत्यु हुनेको संख्या १ सय ६६ जना पुगिसकेको जनाएको छ।