डोल्पामा जिप र ट्याक्टर ठोक्किँदा ९ जना घाइते

३० जेठ, डोल्पा । डोल्पामा यात्रु बाेकेकाे जिप र ट्याक्टर ठाेक्किँदा ९ जना घाइते भएका छन् । ठूलीभेरी नगरपालिका–९ भित्तीस्थित भेरी करिडोरमा शनिबार साँझ करिब साढे ६ बजे ग १ ज ६४३७ नम्बरको जिप र रा १ च २९४८ नम्बरको ट्याक्टर एकापसमा ठोक्किएको प्रहरीले जनाएकाे छ ।

जिल्ला प्रहरी कार्यालय, डोल्पाका अनुसार सदरमुकाम दुनैबाट त्रिपुराकोटतर्फ जाँदै गरेको जिप एक्कासी ब्रेक फेल हुँदा विपरीत दिशाबाट आउँदै गरेको ट्याक्टरसँग ठोक्किएको थियो ।