थाइल्यान्डका राजा–रानीद्वारा नेपालका बाढीपीडितका लागि राहत सामग्री प्रदान

काठमाडौँ । थाइल्यान्डका राजा महा वजिरालोङ्कोर्न र रानी सुथिदाले नेपालका बाढी तथा पहिरो प्रभावितका लागि मानवीय राहत सामग्री प्रदान गरेका छन् ।

नेपाल सरकारको प्राथमिकताका आधारमा तयार पारिएको राहत सामग्रीमा टेन्ट, सुत्ने झोला, व्यक्तिगत सुरक्षा सामग्री (पीपीई), जेनेरेटरलगायत अत्यावश्यक सामग्री छन् । करिब १४ हजार २०० पाउन्ड अर्थात् ६.४४ मेट्रिक टन तौल रहेको उक्त राहत सामग्री थाइल्यान्डबाट नेपाल पठाउन लागिएको हो ।