विराटनगरमा निकालियो ५९औँ राधाकृष्ण रथयात्रा

हरेक वर्ष श्रीकृष्ण जन्माष्टमीको भोलिपल्ट विराटनगरमा निकालिँदै आएको राधाकृष्ण रथयात्रा यस वर्ष पनि भव्य रूपमा निकालिएको छ। ५९औँ संस्करणको रथयात्रा विराटनगर–१ स्थित श्रीराधाकृष्ण मन्दिर परिसरबाट सुरु भएको हो।

कोशी प्रदेशका मुख्यमन्त्री हिक्मतकुमार कार्कीले रथयात्राको उद्घाटन गरे। मन्दिर परिसरबाट निकालिएको रथले विराटनगर महानगरपालिकाका विभिन्न क्षेत्रको करिब ९ किलोमिटर दूरी तय गर्नेछ।