पाल्पाको रम्भाका १५ जना स्मार्ट आमालाई सम्मान

पाल्पा । पाल्पाको रम्भा गाउँपालिकाले १५ जना स्मार्ट आमालाई नगदसहित सम्मान गरेको छ । पाँचवटै वडाबाट तीन जनाका दरले १५ जनालाई नगद १० हजार, सम्मानपत्र, दोसल्ला, हाते झोला, स्वास्थ्य सामग्रीसहित सम्मान गरिएको हो ।

कार्यक्रमअन्तर्गत हुँगी, फोक्सिङ्गकोट, पिपलडाँडा, हुमिन, ताहुँका स्वास्थ्य संस्थाबाट सिफारिस गरेको स्वास्थ्य शाखा प्रमुख शिवप्रसाद अर्यालले बताए । उत्कृष्ट आमाका साथै पाँचवटै स्वास्थ्य चौकीका फोकल पर्सनलाई समेत सोही अवसरमा सम्मान गरिएको उनले बताए । पोषणमैत्री स्थानीय शासन कार्यान्वयनका लागि हजार दिनका आमाहरूलाई १६ वटा सूचकहरूमा रहेर कार्य निर्देशिकाले तोकेबमोजिम सम्मान गरिएको स्वास्थ्य शाखा प्रमुख अर्यालले बताए ।