एक हजार १३१ शव फेला, करिब ५ हजार सम्पर्कविहीन

रसुवाको भोटेकोशी तथा त्रिशूली नदीमा आएको विनाशकारी बाढीमा परी हालसम्म १ हजार १३१ जनाको शव फेला परेको छ भने करिब ५ हजार नागरिक अझै सम्पर्कविहीन छन्। राष्ट्रिय विपद् जोखिम न्यूनीकरण तथा व्यवस्थापन प्राधिकरणले अद्यावधिक विवरण सार्वजनिक गर्दै खोज, उद्धार तथा राहत कार्यलाई तीव्रता दिइएको जनाएको छ।

आज माथिल्लो त्रिशूली–१ जलविद्युत् आयोजनाको ४ नम्बर अडिट टनेलबाट एक जना चिनियाँ नागरिक तथा नुवाकोटको विदुर नगरपालिका–१०, बेत्रावतीबाट ६४ वर्षीया महिलाको जीवितै सकुशल उद्धार गरिएको छ।