नेतृत्व जोगाउने प्रचण्ड रणनीति

काठमाडौँ- फागुन २१ को चुनावअघि २२ दललाई समेटेर गठन गरिएको नेपाल कम्युनिस्ट पार्टी (नेकपा) अहिले आफैँले तय गरेको महाधिवेशनको कार्यतालिका कार्यान्वयन गर्न नसक्ने अवस्थामा पुगेको छ। महाधिवेशनको मिति नजिकिँदै गए पनि पार्टीभित्र त्यसको तयारी भने लगभग शून्य देखिन्छ।

चुनावअघि तत्कालीन नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले हतारमा अघि बढाएको एकता प्रक्रियाबाट नेकपा गठन भएको थियो। वामपन्थी शक्तिको एकताको सन्देशसहित चुनावमा होमिएको नेकपा प्रत्यक्षतर्फ आठ र समानुपातिकतर्फ नौ गरी १५ सिट जित्दै प्रतिनिधिसभामा चौथो दल बन्यो।