पाटन कुम्भेश्वरमा जनैपूर्णिमाको रौनक(तस्वीरहरू)

१२ भदौ, काठमाडौं । आज जनैपूर्णिमा तथा रक्षाबन्धन पर्व मनाइँदै छ । यस पर्वमा हरेक वर्ष पाटनस्थित कुम्भेश्वर मन्दिरमा मेला लाग्ने गर्छ । आज पनि कुम्भेश्वर मन्दिर परिसरमा जनैपूर्णिमा मनाउन भक्तजनहरूको घुइँचो छ ।

कोही मन्दिरमा पूजा गर्न लाइन लागेका छन् भने कोही रक्षाबन्धन बाँधिरहेका छन् । मन्दिर परिसरमा जनै फेर्नेहरूको पनि उत्तिकै चहलपहल छ । भक्तजनरू कुण्ड र धारामा नुहाइरहेका देखिन्छन् । केही युवाहरू मन्दिर परिसरमा रहेको तलाउमा डाइभ हान्दै पौडी खेलेर रमाइरहेका छन् ।