इरानी वार्ताकारलाई मार्ने धम्की दिएको समाचार ‘फेक न्युज’ : इजरायली प्रधानमन्त्री कार्यालय

इजरायलका प्रधानमन्त्री बेन्जामिन नेतान्याहूको कार्यालयले अमेरिकी अधिकारीहरूले इस्लामाबाद वार्ताका क्रममा इजरायलले वरिष्ठ इरानी वार्ताकारलाई लक्षित गरेको भन्ने समाचारलाई अस्वीकार गरेको छ।

‘टाइम्स अफ इजरायल’ ले उल्लेख गरेअनुसार अमेरिकी अधिकारीहरूले यस वर्षको सुरुमा भएको वार्ताका क्रममा इरानी विदेश मन्त्री अब्बास अराघची र इरानी संसद्का अध्यक्ष मोहम्मद बाघेर घालीबाफमाथि इजरायलले आक्रमण गर्न सक्ने चेतावनी दिएका थिए। वर्तमान र पूर्व अमेरिकी अधिकारीहरूलाई उद्धृत गर्दै अमेरिकी मिडियाले अप्रिल ८ मा युद्धविरामपछि इजरायलले ती दुई वार्ताकारलाई निशाना बनाउने योजना बनाएको आरोप लगाएका थिए। यस्तै चिन्ताका कारण अमेरिकी अधिकारीहरूले अन्य देशलाई इजरायलले अराघची र घालीबाफलाई लक्षित गर्न सक्ने भन्दै चेतावनी दिन आग्रह गरेको समाचारमा उल्लेख छ।