थकित स्वरमा उनले भने– होटल ध्वस्त भयो, मेरी आमा, बुढी र छोरा हराए

बुधबार बिहान ९ बजेतिर रसुवागढीतिरबाट सुनामीको भेलजस्तो बाढी आएका तस्बिर सामाजिक सञ्जालमा छ्यापछ्याप्ती हुन थालेपछि अचानक पुराना चिनजानका स्याफ्रुबेसीका बासिन्दा छेवाङ लामाको सम्झना आयो।

नम्बर खोजेर पहिले ह्वाट्सएप मार्फत सम्पर्क गर्न खोज्दा फोन लागेन। नेपाल टेलिकमको मोबाइल पनि लागेन। विध्वंशकारी बाढी र क्षतिका अनगिन्ती भिडिओ र फोटा हेरेपछि मन अशान्त रह्यो।