विदेशी भूमिमा जीवनसँग लड्दै गरेकी नरमाया अन्ततः घरदेश फर्किइन्

काठमाडौं । इराकमा सडक दुर्घटनामा परेर गम्भीर घाइते भएकी नेपाली चेली नरमाया सिन्जाली बुढाथोकीलाई दुई महिनाको कठिन उपचार र निरन्तर प्रयासपछि आज नेपाल पठाउन सफल भएको गैरआवासी नेपाली संघ (एनआरएनए) इराकले जनाएको छ।

एनआरएनए इराकका अध्यक्ष बिनोद श्रेष्ठका अनुसार दुर्घटनापछि नरमायाको स्वास्थ्य अवस्था निकै चिन्ताजनक रहेको थियो। लामो समयसम्म अस्पतालमा उपचाररत रहँदा उनको जीवनरक्षाका लागि विभिन्न निकाय, नेपाली समुदाय तथा सहयोगी मनहरूको महत्वपूर्ण साथ र सहयोग प्राप्त भएको थियो।