माइक्रो र बस ठोक्किँदा १० जना घाइते

सिन्धुलीको सुनकोशी गाउँपालिका-५ साइटारस्थित बिपी राजमार्गमा माइक्रो र बस ठोक्किँदा १० जना घाइते भएका छन् ।काठमाडौँबाट काँकडभित्ता गइरहेकाे बा४ख ५०५२ नम्बरको माइक्रोबस र खुर्कोटबाट काठमाडौँतर्फ आउँदै गरेको बागमती प्रदेश ०१–००६ ख २२९७ नम्बरको बस ठोक्किएकाे हाे।

दुर्घटनामा माइक्रोबसका चालक ललितपुर महानगरपालिका–१५ का ३८ वर्षीय गजबहादुर मगर, काभ्रेपलाञ्चोकको मण्डनदेउपुर नगरपालिका–९ की ३० वर्षीया अनिता न्यौपाने र ३२ वर्षीय प्रविन तिवारी तथा ठेगाना नखुलेका प्रशान्त केसी गम्भीर घाइते भएका जिल्ला प्रहरी कार्यालयका प्रहरी उपरीक्षक लालध्वज सुवेदीले जानकारी दिए। चालक मगरको धुलिखेल अस्पतालमा उपचार भइरहेको छ।