अर्घाखाँचीको पाणिनी गाउँपालिका- ८ कुँडेलेमा बस दुर्घटना, २ जनाको मृत्यु, २५ घाइते

अर्घाखाँची- अर्घाखाँची जिल्लाको पाणिनी गाउँपालिका-८, कुँडेलेमा मंगलवार दिउँसो बस दुर्घटना हुँदा दुःखद घटना भएको छ। झ१ख ५०४ नम्बरको बस दुर्घटनामा परेर दुई जनाको ज्यान गएको छ भने २५ जना यात्रु घाइते भएका छन् ।

पाणिनी गाउँपालिकाका पूर्वअध्यक्ष अच्युत गौतमका अनुसार दुर्घटना वैशाख २९ गते दिउँसो भएको हो । दुर्घटनापछि स्थानीयवासी, प्रहरी तथा उद्धार टोलीले घाइतेहरूको तत्काल उद्धार गरेका थिए ।