भारतीय पर्यटकको ओइरो, व्यवस्थापन फितलो

१३ असारको साँझ ७ बजे पशुपतिनाथ मन्दिरको पारिपट्टि बागमती किनारमा सधैँझैँ भजनसहितको आरती सुरु भयो। आरती हेर्न नदी वारि र पारि युवादेखि ज्येष्ठ नागरिकसम्मको ठूलो भिड थियो। भिडमा नेपालीसँगै सराबरी देखिन्थे, भारतीय नागरिक।

त्यसै दिनको बिहान पनि पशुपतिनाथको दर्शन गर्न लाइनमा उभिएकामध्ये अधिकांश भारतीय दर्शनार्थी थिए। दर्शनपछि मन्दिर परिसरमा कोही हवन गर्न व्यस्त थिए, कोही चाहिँ टहलिन।