हतपतको असारे विकास, लतपतको नतिजा खोजी

बुटवल : सार्वजनिक बिदामा सरकारी कर्मचारीले घरमै आराम गर्नुपर्ने हो। तर, घर परिवारसँग फुसर्दमा रमाउने समय उनीहरूसँग छैन। किनभने कर्मचारीलाई असार लागेको छ। बजेट सक्ने ‘हतारको असारे विकास’ र भुक्तानीको चटारोले कर्मचारी व्यस्त छन्। सेवाग्राहीहरूको बढी चाप हुने गाउँगाउँका पालिकाहरूमा योजनाको भुक्तानी गर्न भ्याइनभ्याई छ। प्रमुख प्रशासकीय अधिकृत र लेखा अधिकृतहरूको कार्यकक्ष भुक्तानीका फाइलहरूले भरिएका छन्।

हतारहतारमा योजनाको भुक्तानी दिँदा कर्मचारीहरूले राम्रोसँग अध्ययन गर्न पनि पाउँदैनन्। त्यसको दीर्घकालीन असर स्वयं कर्मचारीलाई पनि पर्ने गरेको छ। असारको बेला हतारहतारमा भुक्तानी दिँदा कार्यालय छाडेको वर्षौंपछि पनि अख्तियारमा जवाफ दिँदादिँदै कर्मचारीले हैरानी बेहोर्नु परिरहेको यथार्थता छ।