तेस्रो विवाहमा व्यस्त आमिर खान

मुम्बई । बलिउड अभिनेता आमिर खान यति बेला आफ्नो तेस्रो विवाहमा व्यस्त छन् । उनी आइतबार दाम्पत्य सम्बन्धमा बाँधिँदै छन् । उनले तेस्रो श्रीमतीको रूपमा ५ जुलाईमा गौरी स्प्रैटलाई भित्राउँदै छन् । त्यसो त आमिर र गौरी केही समय यताबाट लिभिङ टुगेदरमासँगै बस्दै आएका छन् । तथापि आफूहरूको प्रेमलाई उनीहरूले कानुनी रूपमा विवाहको दर्जा दिन लागेका हुन् ।

आफूले यो विवाहको लागि ठुलो समारोह आयोजना नगर्ने आमिरले बताएका छन् । आफन्त र नजिकका साथीहरूलाई बोलाएर आफ्नै निवासमा एक सानो समारोहबिच यो विवाह गरिने पनि आमिरले बताएका छन् ।