चिनियाँ राष्ट्रपति सी उत्तर कोरिया भ्रमणमा जाँदै

बेइजिङ । चीनका राष्ट्रपति सी जिनपिङ आगामी साता उत्तर कोरियाको दुर्लभ राजकीय भ्रमणमा जाने भएका छन् । चिनियाँ सरकारी समाचार संस्था सिन्ह्वाका अनुसार सीले आगामी सोमबारदेखि दुई दिने भ्रमणका क्रममा उत्तर कोरियाली नेता किम जोङ उनसँग भेटवार्ता गर्नेछन् । उत्तर कोरियाको सरकारी समाचार संस्था केसीएनएले पनि भ्रमणको पुष्टि गरेको छ ।

सन् २०१९ पछि सीको यो पहिलो उत्तर कोरिया भ्रमण हुनेछ । यसलाई बेइजिङ र प्योङयाङबिचको ऐतिहासिक तर कहिलेकाहीँ जटिल सम्बन्धलाई थप मजबुत बनाउने प्रयासका रूपमा हेरिएको छ । यो सन् २०२६ मा सीको पहिलो विदेश भ्रमण पनि हुनेछ ।