लुम्बिनी प्रदेशसभाको बैठक बस्दै, बजेटका सिद्धान्त र प्राथमिकता पेस हुने

लुम्बिनी प्रदेशसभाको आठौँ अधिवेशनअन्तर्गत दोस्रो बैठक आज बस्ने भएको छ । प्रदेशसभा सचिवालयका अनुसार बैठक दिउँसो १ बजे बस्नेछ ।

बैठकमा प्रदेशसभा सदस्यहरूले समसामयिक विषयमा विशेष समयमा धारणा राख्ने कार्यसूची रहेको छ । त्यसैगरी, आर्थिक मामिला तथा योजनामन्त्री धनेन्द्र कार्कीले आगामी आर्थिक वर्षको ‘बजेटका सिद्धान्त र प्राथमिकता’सभामा पेस गर्ने कार्यसूची रहेको प्रदेशसभा सचिव दुर्लभकुमार पुनमगरले जानकारी दिए ।