पत्रकार एवं अध्यापक भरत कोइराला सम्मानित

पोखरा । अढाई दशकदेखि निरन्तर पत्रकारिता गरिरहेका पत्रकार भरत कोइराला सम्मानित भएका छन् । समाधान दैनिकका प्रधान सम्पादक कोइराला लेखनाथ उद्योग वाणिज्य संघको वार्षिकोत्सवका अवसरमा आर्थिक पत्रकारिता पुरस्कारबाट सम्मानित भएका हुन् ।

शनिबार लेखनाथमा आयोजित कार्यक्रममा प्रदेश पर्यटन तथा उद्योग मन्त्री यशोदा तिमिल्सिनाले कोइरालालाई सम्मान गरिन् । लामो समयको समाज हितको पत्रकारिताको कठिन यात्रा रोजेबापत उनलाई वाणिज्य संघले आर्थिक पत्रकारिता पुरस्कार प्रदान गरेको हो ।