बाढीपछि भोटेकोशीमा उद्धार तीव्र, १ हजार ९७६ जनाको उद्धार

काठमाडौं– रसुवाको भोटेकोशी क्षेत्रमा आएको भीषण बाढीपछि उद्धार तथा राहतका लागि १३ हजार २९५ सुरक्षाकर्मी र १५ हेलिकप्टर परिचालन गरिएको छ ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार हालसम्म १ हजार ९७६ जनाको उद्धार गरिएको छ भने बाढीबाट १३० जना घाइते भएका छन् । तीमध्ये ६७ जनाको विभिन्न अस्पतालमा उपचार भइरहेको छ ।