अदालतभन्दा बाहिर समाजको फैसला उजागर गर्ने ‘इजलास जारी छ’ [तस्वीरहरू]

काठमाडौं । थापागाउँस्थित मण्डला थिएटरमा असार १८ गतेदेखि नियमित मञ्चन सुरु भएको नाटक ‘इजलास जारी छ’ले अदालतको इजलासभन्दा बाहिर समाजले सुनाउने अदृश्य फैसला, महिलामाथि हुने सामाजिक पूर्वाग्रह र न्यायको खोजीलाई प्रभावशाली ढंगले रंगमञ्चमा प्रस्तुत गरेको छ ।

प्रसिद्ध भारतीय नाटककार विजय तेन्दुलकरको मूल कृतिमा आधारित यो नाटकलाई नेपालीमा विजय विस्फोट (जे.बी. देउजा) ले भावानुवाद गरेका हुन् भने निर्देशन गुञ्जन दीक्षितले गरेका छन् ।