तेहरानमा हमास र हिज्बुल्लाहका प्रतिनिधिमण्डलसँग अराघचीको भेटवार्ता

तेहरान । इरानी विदेशमन्त्री अब्बास अराघचीले शनिबार तेहरानमा हमास र हिजबुल्लाहका प्रतिनिधिमण्डलसँग छुट्टाछुट्टै भेटवार्ता गरेका छन् ।

दुवै प्रतिनिधिमण्डल इरानका पूर्व सर्वाेच्च नेता अली खामेनीको अन्त्येष्टिमा सहभागी हुन तेहरान आएका थिए । इरानी विदेश मन्त्रालयका अनुसार हमासको प्रतिनिधिमण्डलको नेतृत्व नेतृत्व परिषद्का प्रमुख मोहमद दर्विशले गरेका थिए । प्रतिनिधिमण्डलले खामेनीको निधनप्रति श्रद्धाञ्जली व्यक्त गर्दै गाजा र पश्चिमी किनाराको पछिल्लो अवस्थाबारे विदेशमन्त्री अराघचीलाई जानकारी गराएको थियो ।