नेतन्याहु अर्को सोमबार अमेरिका भ्रमणमा जाने

तेल अभिभ । इजरायली प्रधानमन्त्री बेन्जामिन नेतन्याहु अर्को सोमबार अमेरिका भ्रमणमा जाने भएका छन् । नेतन्याहुले अमेरिकी राष्ट्रपति डोनाल्ड ट्रम्पसँग भेटवार्ता गर्न वासिङ्टन डीसी जाने तयारी गरिरहेका हुन् ।

इजरायली स्रोतलाई उद्धृत गर्दै सीएनएनले उनको भ्रमणबारे समाचार लेखेको छ । स्रोतका अनुसार शुक्रबार साँझ नेतन्याहु र ट्रम्पबिच टेलिफोन वार्ता भएको थियो । वार्ताका क्रममा दुवै नेताले निकट भविष्यमै आमनेसामने भेट गर्ने सहमति गरेका छन् । इरानसँगको युद्ध सुरु हुनुअघि यता यी दुई नेताबिच प्रत्यक्ष भेट भएको छैन ।