जुलियन क्विनोनेस: मेक्सिकोका नयाँ ‘विश्वकप हिरो’

साउदी प्रो लिगमा क्रिस्टियानो रोनाल्डो जस्ता दिग्गजलाई पछाडि पार्दै ‘गोल्डेन बुट’ जितेका कोलम्बियाली मूलका मेक्सिकन फरवार्ड जुलियन क्विनोनेस फिफा विश्वकप २०२६ को चम्किला तारामध्येका एक हुन । उनले ऐतिहासिक एस्टेका स्टेडियममा दक्षिण अफ्रिकाविरुद्ध प्रतियोगिताकै पहिलो गोल गर्दै सनसनी मच्चाएका थिए ।

त्यसपछि समूह चरणमा चेकिया र इक्वेडरविरुद्ध लगातार गोल गर्दै मेक्सिकोलाई अन्तिम १६ मा पु¥याउन उनी नायक बने । यस विश्वकपमा तीन गोल गरिसकेका क्विनोनेस सन् १९९८ मा लुइस हर्नान्डेजपछि मेक्सिकोका लागि एउटै विश्वकपका तीन फरक खेलमा गोल गर्ने दोस्रो खेलाडी समेत बनेका छन् ।